25/08/11

O Museo de portas para fora

O Museo de portas para fora e un proxecto de difusión do patrimonio marítimo da contorna que pretende conectar o pasado, -representado polas coleccións do Museo-, co presente da comunidade mariñeira na que se ubica. Esta iniciativa permitiranos integrar os contidos e coleccións do Museo na realidade da comunidade mariñeira á que pertence e "representa". A través deste proxecto o Museo Massó actúa como centro de interpretación do patrimonio marítimo vivo que constitúe a realidade dunha localidade mariñeira.

O Museo Massó sitúase nunha localización privilexiada, dende a cal, á proximidade co porto, coa antiga carpintaría de ribeira, o mercado de peixe e a lonxa, hai que sumar a posibilidade de contemplar a Ría de Pontevedra, na que se poden ver as bateas, as praias que noutro tempo constituían espazos de traballo, a antiga fabrica de conservas, os sinais marítimos, etc.

Ao visitante do Museo propónselle prolongar a visita cultural ao entorno inmediato e realizar un percorrido no que as salas do Museo se converten nun punto de partida para comprender, en toda a súa dimensión, os significados culturais das nosas coleccións, que non son outra cousa que os testemuños materiais da memoria colectiva dunha comunidade para a cal o mar é e foi a principal fonte de recursos.

Nesta primeira aproximación, o Museo propón visitar a única carpintaría de ribeira que se conserva na Ría de Pontevedra, emprazada en pleno paseo marítimo e as embarcacións tradicionais, que se encontran amarradas no porto de Bueu, construídas pola asociación Os Galos.

El Museo de puertas afuera

El Museo de puertas para afuera es un proyecto de difusión del patrimonio marítimo del entorno que pretende conectar el pasado, representado por las colecciones del Museo, con el presente de la comunidad marinera en la que se encuentra. Esta iniciativa nos permitirá integrar los contenidos y colecciones del Museo en la realidad de la comunidad marinera a la que pertenece y “representa”. A través de este proyecto el Museo Massó actúa como centro de interpretación del patrimonio marítimo vivo que constituye la realidad de una localidad marinera.

El Museo Massó se sitúa en un emplazamiento privilegiado, desde el cual, a la proximidad con el puerto, con la antigua carpintería de ribeira, el mercado de pescado y la lonja, hay que sumar la posibilidad de contemplar la Ría de Pontevedra, en la que se pueden ver las bateas, las playas que en otro tiempo constituían espacios de trabajo, la antigua fabrica de conservas, las señales marítimas, etc.

Al visitante del Museo se le propone prolongar la visita cultural al entorno y realizar un recorrido en el que las salas del Museo se convierten en un punto de partida para comprender, en toda su dimensión, los significados culturales de nuestras colecciones, que no son sino los testimonios materiales de la memoria colectiva de una comunidad para la cual el mar es y ha sido la principal fuente de recursos.

En esta primera aproximación, el Museo propone visitar la única carpintería de ribeira que se conserva en la Ría de Pontevedra, emplazada en pleno paseo marítimo, y las embarcaciones tradicionales amarradas en el puerto de Bueu, construidas por la asociación Os Galos.

19/08/11


Llamada de nube: ¿Queres aprender a navegar nun barco, a pescar e a conservar o peixe? Pois vente ao museo Massó o xoves día 25 ás  11.30!

Llamada de nube: ¿Queres aprender a navegar nun barco, a pescar e a conservar o peixe? Pois vente ao museo Massó o xoves día 25 ás  11.30!  Obradoiro para nen@

Pescando no Museo Massó

Xoves 25 de agosto, ás 11.30 h.

Dirixido a nen@s de entre 5-7 anos.

1 hora e media de duración

Prazas limitadas

A inscrición deberá realizarse chamando ao teléfono 986 321 838 onde serán atendidos entre as 10.00 e as 20.00 h. de luns a venres, ou a través do correo electrónico museo.masso@xunta.es, enviando un nome e un teléfono de contacto.

18/08/11



Exposición temporal

OS MUNDOS DE CARLOS CASARES

En colaboración co Concello de Bueu e a Fundación Carlos Casares, o Museo Massó acolle ata o día 2 de setembro a exposición temporal Os mundos de Carlos Casares, na que se amosa a súa produción literaria e a súa actividade no ámbito da cultura e do xornalismo en Galicia.

09/08/11


Rutas no galeón Nueva Sofía pola Ría de Pontevedra

Xa non quedan prazas

As rutas realizásense no galeón construído en 1948 en Rianxo. La embarcación traballou como areneiro para uns armadores de Catoira, posteriormente, xa motorizado, pasou a ser un barco auxiliar de batea na Illa de Arousa e finalmente no Porto Meloxo, O Grove. Foi restaurado pola Asociación Cultural Rabandeira de Vilanova de Arousa e o Grupo Etnográfico Mascato de Cambados.

As singraduras terán un carácter didáctico co obxecto de ofrecer ao visitante a experiencia de navegar nunha embarcación propulsada a vela .

Saída dende o Museo Massó

Horarios

Mates 16 e mércores 17 de agosto de 2011

Pola mañá: de 11.30-13.30 h

Pola tarde : de 18.00 a 20.00 h.

Condicións

Cada menor ten que ir acompañado dun adulto

Aconséllase levar calzado apropiado

As saídas poden ser modificadas dependendo da metereoloxía

Máximo de 10 pasaxeiros por viaxe

Inscrición

A inscrición é gratuíta e deberá realizarse chamando ao teléfono: 986 321 838, onde serán atendidos entre as 10.00 e as e 20.00 h. de luns a venres, ou ben a través do correo electrónico museo.masso@xunta.es, enviando un nome e teléfono de contacto.



02/08/11



Rutas en barco pola Ría de Pontevedra

XA NON QUEDAN PRAZAS

As rutas realizásense no barco pesqueiro de madeira denominado Chasula e terán un carácter didáctico co obxecto de ofrecer ao visitante do museo unha experiencia real que lle permita tomar contacto directo co medio no que se desenvolve a actividade pesqueira, coñecer de preto o sistema de explotación das bateas, a pesca do polbo, o recoñecemento das sinalizacións marítimas e do ámbito costeiro, e moi especialmente navegar nunha embarcación que é un expoñente da carpintaría de ribeira tradicional.

O Chasula é un barco pesqueiro de 14 metros construído no estaleiro do Freixo en 1958 que pescaba coa arte do cerco, e navegou durante varias tempadas polas costas do Cantábrico en busca do atún e bonito do norte. O seu actual dono e patrón, Isidro Mariño Cadarso, primeiro director da Escola-Taller de carpintaría de Ribeira de Marín, adquiriuno en 2003 e o restaurou coas súas propias mans para convertelo nun expoñente do patrimonio marítimo galego. Dende 2005 realiza rutas marítimas didácticas. Para máis información sobre a súa actividade ver http://chasulapesca.blogspot.com.

Saída dende o Museo Massó

Horarios

Xoves 11 de agosto:

Pola mañá de 10.00-12.00 h e de 12,15-14,15 h.

Pola tarde de 15,30 h. -17.30 h. e de 18.00 a 20.00 h.

Condicións

Cada menor ten que ir acompañado dun adulto

Aconséllase levar calzado apropiado

As saídas poden ser modificadas dependendo da metereoloxía

Máximo de 12 pasaxeiros por viaxe

Inscrición

A inscrición é gratuíta e deberá realizarse chamando ao teléfono: 986 321 838, onde serán atendidos entre as 10.00 e as e 20.00 h. de luns a venres, ou ben a través do correo electrónico museo.masso@xunta.es, enviando un nome e teléfono de contacto.